Ֆրանչիսկոս Քահանայապետի կողմէ հաստատուած Կարտինալներու խորհուրդը, Սրբազան Հօր գլխաւորութեամբ
երեք օրուայ խորհրդակցութիւններու աւարտին, որոշեց իր յառջորդ ժողովը գումարել յառաջիկայ
3-5 դեկտեմբեր, կը հաղորդագրէ Ս. Աթոռի գրասենեակը, մատնանշելով որ երրորդ խորհդակցութիւն
մը եւս նախատեսուած է 2014-ինջ փետրուար ամսոյն ընթացքին։ 8 կարտինալներէ կազմուած
խորհուրդին պարտականութիւնն է բարենորոգումներ առաջարկել Սրբազան Քահանայապետին Եկեղեցւոյ
նոր սահմանադրութեան համար։ Մամլոյ գրասենեակի տնօրէնը Յիսուեան հայր Լոմպարտին այս լուրը
հաղորդելով ըսաւ` Սրբազան Քահանայապետը կ'ուզէ որ Եկեղեցւոյ կառավարութիւնը դառնայ իսկական
միջոց մը Եկեղեցւոյ ծառայութեան ի սպաս։