Папа сустрэўся з венгерскім езуітам – ахвярай дыктатуры ў Аргентыне

5 кастрычніка папа Францішак прыняў на аўдыенцыі венгерскага езуіта а. Франца Яліча. Гэта сустрэча мае вялікае значэнне, бо апошні працаваў у Аргентыне ў перыяд, калі генеральным настаяцелем Таварыства Езуса быў Хорхе Берголіа. У 1976 г., у перыяд вайсковай дыктатуры ў гэтай гэтай краіне, а. Франц Яліч са сваім сабратам а. Арланда Ёрыё былі выкрадзены аргентынскімі спецслужбамі і на працягу пяці месяцаў утрымліваліся ў турме, падзвяргаючыся катаванням і здзекам. Святары абвінавачваліся ў шпіянажы на карысць СССР. Пасля вызвалення яны выйшлі з Ордэна Езуітаў і пакінулі Аргентыну. Айцец Яліч затым вярнуўся ў Таварыства Хрыста і зараз належыць да нямецкай правінцыі ордэна, яго сабрат памёр.

Адразу пасля абрання кардынала Берголіа на Пасад св. Пятра некаторыя СМІ абвінавачвалі Папу ў бяздзеянні падчас аргентынскай дыктатуры, аднак а. Яліч публічна абверг гэтыя домыслы. Вядома, што цяперашні Папа рабіў шмат намаганняў для выратавання дысідэнтаў, пераследаваных дыктатарскім рэжымам.