Францішак падчас сустрэчы з хворымі дзецьмі: слухаць і распазнаваць раны Езуса
4 кастрычніка 2013
г. папа Францішак здзейсняе душпастрыскі візіт у Азісі – на радзіму апекуна свайго
пантыфікату св. Францішка Асізскага. Гэта ўжо чацвёртае Апостальскае падарожжа папы
Францішка: да гэтага ён наведваў італьянскі востраў Лампедуза, бразільскі горад Рыа-дэ-Жанейра
і Сардзінію. Каля 7.30 раніцы верталёт з Пантыфікам на борце прызямліўся на тэрыторыі
спартыўнага поля дзіцячага рэабілітацыйнага цэнтра “Інстытут Серафіко” у Асізі. Тут
Папу прывіталі прадстаўнікі мясцовых касцёльных і грамадзянскіх уладаў, а затым ён
накіраваўся ў капліцу цэнтра, каб сустрэцца з хворымі дзецьмі і дзецьмі з абмежаванымі
магчымасцямі, якія праходзяць у ім лячэнне. Сустрэча праходзіла ў спакойным рытме.
Папа прысвяціў час кожнаму з прысутных: ён размаўляў з імі, абдымаў і цалаваў. Многія
дзеці і бацькі, якія іх суправаджалі, не хавалі слёзаў.
“Мы знаходзімся сярод
ранаў Езуса”, - сказаў Францішак. Ён адклаў загадзя падрыхтаваны тэкст прамовы і
звярнуўся да сабраных спантанна. “Гэтыя раны, маюць патрэбу ў тым, каб быць выслуханымі,
быць прызнанымі”, - падкрэсліў Папа і дадаў, што яму ўзгадваецца евангельскае апавяданне
пра тое, як Езус крочыў разам з дзьвюма смутнымі вучнямі. Яны ўзналі Пана, толькі
тады, калі ён паказаў ім свае раны.
Францішак звярнуў увагу сабраных на тое,
што ў капліцы, у якой яны знаходзіліся, праводзяцца эўхарыстычныя адарацыі. “Таксама
і хлеб, мае патрэбу ў тым, каб быць выслуханым, таму што Езус у ім прысутны і схаваны
за прастатой і сціпласцю хлеба. І тут Езус схаваны ў гэтай моладзі, гэтых дзецях,
у гэтых асобах. На алтары мы ўшаноўваем Цела Хрыста, а ў іх знаходзім раны Езуса”,
- падкрэсліў Папа. Ён адзначыў, што Езус схаваны ў Эўхарыстыі, схаваны таксама і ў
ранах гэтых дзяцяй. “Яны маюць патрэбу ў тым, каб быць выслуханымі... Магчыма не столькі
часопісамі, як навіны... Гэта слуханне мінае праз адзін-два-тры дні, а затым прыходзяць
новыя і новыя... Яны павінны быць выслуханы, тымі, хто называе сябе хрысціянамі”,
- адзначыў Папа.
Развітаўшыся з сабранымі ў “Інстытуце Серафіко”, Пантыфік
дзейсніў прыватны візіт у санктуарый св. Даміяна, які знаходзіцца на ўскраіне Асізі
і вядомы тым, што менавіта ў ім св. Францішак пачуў голас Хрыста: “Ідзі і адбудуй
дом Мой”.