Сакратар Бэнэдыкта XVI спрабаваў адгаварыць яго ад адстаўкі
Арцыбіскуп Георг Генсвайн,
як асабісты сакратар Бэнэдыкта XVI спрабаваў адгаварыць яго ад адстаўкі. “Але беспаспяхова”,
- прызнаўся сам іерарх у інтэрв’ю нямецкаму часопісу “Bunte”. Бэнэдыкт XVI на той
час ужо прыняў канчатковае рашэнне. Папа прыйшоў да высновы, што яму не хапае сіл,
неабходных, каб працягнуць кіраваць Касцёлам у бурны час. Самая вялікая розніца паміж
Францішкам і яго папярэднікам, па словах арцыбіскупа, палягае на “разнастайнасці характараў”.
Гэта можна заўважыць па спосабе камунікацыі з людзьмі. Папа Францішак аддае перавагу
непасрэдным адносінам, ствараецца ўражанне, што ён не можа жыць без прамога кантакту.
Бэнэдыкт XVI, наадварот, “любіць цішыню і адасобленасць”.
Хоць абодва Папы
адрозніваюцца ў стылі і некаторых пытаннях густу, гэта не распаўсюджваецца на адносіны
да сутнасці і зместу веры, падкрэсліў арцыбіскуп Генсвайн і дадаў, што у гэтым пытанні
пануе “поўная пераемнасць”.