Ֆրանչիսկոս Սրբազան Քահանայապետը Ձեռագիր Նամակով Կը Հաստատէ ''Կարտինալական Խորհուրդ''ը

Անցեալ 28 սեպտեմբետին Ֆրանչիսկոս Սրբազան Քահանայապետը ձեռագիր նամակ մը հրատարկած է հայող '' Pastor bonus - Բարի Հովիւ'' Առաքելական Սահմանադրութեան վերատեսութեան եւ այս առըչութեամբ ստեղծուած Կարտինալական ''ութեակ'' Խորհուրդին։

Իր նամակին մէջ Սրբազան Քահանայապետը կը յայտնէ թէ ''Պապընտիր'' ժողովը կանխած Կարտինալական ժողովներու ընթացքին յառաջ եկած թելադրանքներու շարքին ներկայացուած էր նաեւ առաջարկ մը կազմելու, զանազան երկիրներու պատկանող եպիսկոպոսական փոքր ''խորհուրդ'' մը, որպէս` Սրբազան Քահանայապետին, յատուկ հացերու շուրջ, անձնական խորհրդատուներ։
Երբ ընտրուեցայ Սուրբ Պետրոսի Գահին - կը գրէ Սրբազան Հայրը - զանազան առիթներով խորհրդածեցի այս հարցին շուրջ, առաջարկը նկատելով Կարտինալական եղբայրներէն ինծի վստահուած` Սուրբ Պետրոսի Յաջորդի Հովուական առաքելութեանս նպաստալից օգնութեան նախաձեռնութիւն մը։ Եւ այս ուղղութեամբ է որ անցեալ 13 ապրիլին հաստատեցի վերոյիշեալ ''խորհուրդի'' մը ստեղծումը անուանելով միաժամանակ անոր անդամները։ Այժմ աւելի հասուն խորհրդածութենէ ետք, հարմար կը դատեմ որ այս խումբը, իմ այս իքնակամ գիրովս ունենան ''Կարտինալական Խորհուրդ'' անունը, որուն պարտականութիւնն է ինծի օգնել ''Տիեզերական Եկեղեցիի Կառավարութեն'' եւ ուսումնասիրել ''Բարի Հովիւ'' Առաքելական Սահմանադրութեան վերատեսութիւնը։
Սրբազան Հայրը ապա վերահաստատելով վերոյիշեալ ''Կարտինալական Խորհուրդի'' ներկայ անդամները, ընդգծած է թէ խորհուրդի կարգաւորումը վերջնական չէ։