Пантыфік чарговы раз заклікаў маліцца за Сірыю і Блізкі Усход
29 верасня 2013 г.
перад малітвай “Анёл Панскі” на плошчы св. Пятра Папа чарговы раз заклікаў да малітвы
за мір у Сірыі і на Блізкім Усходзе. Гэта адбылося адразу пасля св. Імшы для ўдзельнікаў
Міжнароднага катэхетычнага кангрэсу і настаўнікаў рэлігіі ў рамках Года веры. На ёй
прысутнічаў Патрыярх Антыёхіі і ўсяго Усходу Ян Х. Святы Айцец адзначыў, што прысунасць
у Ватыкане праваслаўнага іерарха, якога ён назваў сваім “братам”, чарговы раз мабілізуе
хрысціян маліцца за мір у Сірыі і на Блізкім Усходзе.
Пантыфік прывітаў таксама
пілігрымаў з Нікарагуа, якія прыбылі ў Рым з нагоды 100-годдзя заснавання ў краіне
кананічнай касцёльнай правінцыі.
Папа нагадаў, што 28 верасня 2013 г. у Харватыі
быў абвешчаны благаслаўлёным Міраслаў Булешыч, дыяцэзіяльны святар, які прыняў мучаніцкую
смерць у 1947 г. “Будзем праслаўляць Пана, Які бяссільным дае моц найвышэйшага сведчання”,
- сказаў Францішак.
Ён падзякаваў катэхетам, якія прыбылі ў Рым з усяго свету,
за іх працу і жаданне прысутнічаць на малітве са Святым Айцом.