Imzot Lucian Avgustini: i paharruar, takimi i katekistëve shqiptarë me Papën Françesku
E siç ju thamë, të dashur dëgjues, këto ditë ndodhen në Romë një grup katekistësh
nga Shqipëria, me në krye ipeshkvin e Sapës, imzot Lucian Avgustinin. Ata kanë marrë
pjesë në Kongresin e katekistëve, i cili filloi të enjten e kaluar, e pastaj, në veprimtaritë
e tjera, duke përfshirë dy takimet me Papën Françesku: njëri, të premten pasdite,
kur Ati i Shenjtë reflektoi bashkë me ta e u tha të rinisin gjithçka nga Krishti e,
tjetri, sot paradite, në meshën, që mbylli kremtimet për Ditën e Katekistit në Romë.
Don Marjan Paloka ishte i pranishëm, në Sallën Pali VI, të premten, gjatë katekizmit
të Papës. Ftoi në mikrofon pikërisht imzot Lucian Avgustinin. Ta dëgjojmë…