Гандурасскі кардынал: шэсць месяцаў служэння Папы аказаліся паспяховымі
Паводле меркавання
гандурасскага кардынала Оскара Андрэса Радрыгеса Марадзьягі, першыя шэсць месяцаў
служэння папы Францішка аказаліся паспяховымі, перш за ўсё, у кантэксце паляпшэння
іміджу Ватыкана ў грамадскай думцы. “Святому Айцу ўдалося звярнуць увагу свету да
Ватыкана, але не праз скандалы і праблемы, а праз вяртанне надзеі”, - сказаў арцыбіскуп
Тэгусігальпу і старшыня сусветнай “Caritas” аргентынскаму каталіцкаму інфармацыйнаму
агенцтву “AICA” 26 верасня.
Іерарх таксама распавёў аб працы камісіі з васьмі
кардыналаў, створанай для кансультавання Папы ў запланаванай рэформе Рымскай курыі,
членам якой ён сам з’яўляецца. У цяперашні час яна працуе над сабранымі папярэдне
прапановамі па рэформе. Еўропу ў ёй прадстаўляе арцыбіскуп Мюнхенска-Фрайзінгскі кардынал
Рэйнхард Маркс. 1-3 кастрычніка камісія збярэцца ў Ватыкане на сваё першае пасяджэнне
з удзелам Пантыфіка.
Большасць кардыналаў ужо прадставілі свае даклады, прызнаўся
гандурасскі іерарх. Іх тэксты яшчэ не вядомыя, але ўжо цалкам відавочнае жаданне рэфармавання
Рымскай курыі, дадаў ён.