SHKODER: GRUPET FOKLORIKE TE SHKODRES E GJAKOVES, SHFAQJE NE QYTETIN VERIOR
Ahengu shkodran, një traditë e hershme e qytetit verior të Shkodrës, është bërë pjesë
e një aktiviteti të organizuar nga Ministria e Kulturës, Qendra Kombëtare e veprimtarive
folklorike, Bashkia Shkodër, Komuna Gjakove dhe Qendra Kulturore "Pjeter Gaci", mbrëmjen
e së enjtes në mjediset e Muzeut Historik të Shkodrës. Sipas, Esat Rukes,
drejtor i Qendres Kombëtare të Veprimtarive Foklorike në kryeqytet, ky aktivitet zhvillohet
në kuadrin e ditës kombëtare të Trashëgimisë Kulturore Kombëtare, në zbatim të programit
vjetor të institucionit që ai drejton duke pasur pranë bashkëpunimin e Ministrisë
së Kulturës si dhe të strukturave vendore. Ne kete kuader, organizatorët zhvilluan
në mjediset e bibliotekes "Marin Barleti" të qytetit tryezen shkencore kushtuar Ahengut
Shkodran, ku tërhoqen vemendjen referimet shkencore mbi kontributin krijues e interpretues
të forcave artistike shkodrane, të prezantuara për të pranishmit nga figura të njohura
që mbajnë titujt shkencore, Prof. Dr., si Mihaser Dibra, Aferdita Onuzi, Agron .Xhagolli,
etj. Ne aktivitetin e mbremjes jane te pranishem këngëtarë të njohur të traditës
së ahengut shkodran, mes të cilëve edhe të mirënjohurit, File Gjeloshi, Bik Ndoja
dhe Shyqyri Alushi, nga më të suksesshmit e kësaj fushë në qytetin verior të Shkodrës.