Փաքիստանը Հարուածած Երկրաշարժին Պատճառով Նոր Կղզի Մը Ի Յայտ Եկած Է
Փաքիստանը հարուածած եւ 327 զոհ պատճառած ուժգին երկրաշարժէն ետք, երկրին հարաւային ափերուն
մօտ, Արաբական ծովուն վրայ նոր կղզի մը ի յայտ եկած է: Փաքիստանի Երկրաշարժերու հետազօտման
ազգային կեդրոնէն Զահետ Ռաֆի նշեց, որ այդ կղզիին ի յայտ գալը զարմանալի չէ` նկատի ունենալով
Փաքիստանը հարուածած երկրաշարժին ուժգնութիւնը: Սակայն Երկրաբանութեան հետազօտման ամերիկեան
կեդրոնէն Ճոն Պլինի բացառեց, որ երկրաշարժը առանձինը կրնայ այս չափով կղզի մը յառաջացնել`
նշելով, որ ատոր կրնան նպաստել շարք մը ազդակներ, ինչպէս` տեղատուութիւնը: