Чарговы крок да пагаднення паміж Святым Пасадам і Палестынай
26 верасня ў Ватыкане
адбылося пасяджэнне двухбаковай камісіі паміж Апостальскай Сталіцай і Палестынай,
якая займаецца распрацоўкай глабальнага пагаднення на падставе падпісанага 15 лютага
2000 г., базавага. У паведамленні Апостальскай Сталіцы адзначаецца, што мэтай сустрэчы
было знаёмства з вынікамі працы, праведзенай на нефармальным узроўні сумеснай тэхнічнай
групай, пасля апошняй афіцыйнай сустрэчы, якая прайшла 30 студзеня 2013 г. у Міністэрстве
замежных спраў Палестыны ў Рамале. Акрамя таго, удзельнікі сустрэчы вызначылі планы
на будучыню з мэтай паскорыць падпісанне пагадення.
Дэлегацыі на перамовах
узначалілі кс. прэлат Антуан Камільеры, падсакратар па адносінах Апостальскай Сталіцы
з дзяржавамі, і Раван Сулейман, намеснік Міністра замежных спраў Палестыны па шматбаковых
пытаннях.
Адзначаецца, што перамовы прыйшлі ў сардэчнай і канструктыўнай атмасферы.
Члены камісіі выказалі задавальненне дасягнутым прагрэсам у распрацоўцы тэксту пагаднення,
які тычыцца важных аспектаў жыцця і дзейнасці Каталіцкага Касцёла ў Палестные, а таксама
падтрымалі намаганні членаў сумеснай тэхнічнай групы, заклікаючы іх паскорыць дыскусіі
аб апошніх частках тэксту, распрацоўка якога ўжо знаходзіцца ў завяршаючай фазе. Бакі
пагадзіліся, што сумесная тэхнічная група працягне працу, а наступная сустрэча ў рамках
двухбаковай камісіі адбудзецца на пачатку 2014 г.