ՀՀ Սփիւռքի նախարարութեան նախաձեռնութեամբ իրականացուող «Կոմիտաս Վարդապետ” փառատօնը
26 Սեպտեմբերին սկիզբ առաւ Կոմիտասի անուան քաղաքային պանթէոն այցելութեամբ, որուն
ընթացքին նաեւ՝ երգի համատեղ կատարումներ` տեղի ունեցան նուիրուած հայ մեծ երգահանին:
Ժամը 19-ին Առնօ Պապաջանեան համերգասրահի մէջ տեղի կ՝ունենայ փառատօնի բացման հանդիսաւոր
արարողութիւնը` նուիրուած Կոմիտասի ծննդեան օրուան: Ելոյթներով հանդէս պիտի գան երգչախումբեր,
երաժշտախումբեր եւ անհատ կատարողներ ՀՀ-էն, Արցախէն եւ Սփիւռքէն: Փառատօնին, Կոմիտասի
անուան պետական երաժշտանոցի դահլիճէն ներս կը կայանայ Կոմիտասին նուիրուած նկարազարդ
գիրքերու եւ ձայնասկաւառակներու շնորհանդէս։ Նաեւ՝ ՜՜Կոմիտասի կեանքը եւ գործունէութիւնը՝՝
թեմայով զեկուցում արուեստի վաստակաւոր գործիչ փրոֆէսր Արաքսի Սարեանի կողմէ: Աւարտին
կ’իրականացուի համերգային ծրագիր։ Փառատօնին կը հնչեն նաեւ՝ Կոմիտասի բանաստեղծութիւնները
“Կոմիտասը եւ հայ մանուկները” խորագիրով: Փառատօնի մասնակիցները Էջմիածին պիտի այցելեն
ուր եւ պիտի մասնակցին Սուրբ Պատարագին: Մայր Աթոռ Սուրբ Էջմիածնի Գէորգեան ճեմարանի
մէջ պիտի ներկայացուին հոգեւոր կատարումներ ՀՀ-էն, Արցախէն եւ Սփիւռքէն ժամանած երգչախումբերու,
երաժշտախումբերու եւ անհատ կատարողներու մասնակցութեամբ: Յ. Պարոնեանի անուան երաժշտական
կոմետիայի պետական թատրոնէն պիտի հնչեն Կոմիտասեան կատարումներ ճաբոնական կոտօ նուագարանի
ուղեկցութեամբ: Այս համերգին կը մասնակցին Ճաբոնէն եւ Աւստրիայէն ժամանած երաժիշտներ: Աւարտին
պիտի ցուցադրուի Կոմիտասին նուիրուած «Յաւերժի ճամբորդը” ներկայացումը` “Ծաղկազարդ” երգչախումբի
եւ Սարգիս Նաճարեանի մասնակցութեամբ: Հոկտեմբեր 1-ին, Գիւմրիի “Հոկտեմբեր” կինոթատրոնէն
ներս պիտի ցուցադրուի Կոմիտասին նուիրուած հեռուստատեսային ֆիլմը: Այնուհետեւ պիտի իրականացուի
համերգային ծրագիր: Հոկտեմբեր 2-ին Վանաձորի Վարդաբլուր գիւղի թատրոնէն ներս պիտի
ցուցադրուի Կոմիտասին նուիրուած ֆիլմ: Աւարտին Կոմիտասեան կատարումներով հանդէս պիտի
գան Սփիւռքի եւ Վանաձորի մասնակիցները: Հոկտեմբեր 3-ի երեկոյեան, Երեւանի Արամ Խաչատրեանի
անուան մեծ համերգասրահին մէջ տեղի պիտի ունենայ փառատօնի հանդիսաւոր փակումը: Ելոյթ
պիտի ունենան Հայաստանի պետական ակադեմիական երգչախումբը, նաեւ՝ ՀՀ-էն, Արցախէն եւ Սփիւռքէն
երգչախումբեր, երաժշտախումբեր եւ անհատ կատարողներ: