ֆրանչիսկոս Սրբազան Քահանայապետի Հանդիպումը Գարիդասի Աղքատներուն Եւ Գալիարիի Բանտարկեալներուն
Հետ
Գալիարի կատարած միօրեայ առաքելական ճամբորդութեան ընթացքին ֆրանչիսկոս Սրբազան Քահանայապետը`
22 սեպտեմբերի յետմիջօրէի ժամը 3-ին, Գալիարիի Աթոռանիստ եկեղեցւոյ մէջ, հանդիպում ունեցաւ
Գալիրաիի Գարիդասի աղաքատներուն եւ Գալիարիի բանտարկեալներուն հետ։ Գալիրարիի առաջնորդ`
գերապայծառ Միլիոյի կատարած ներկայացումէն ետք Ֆրանչիսկոս Քահանայապետը խօսք մը ուղղեց
ներկաներուն որուն մէջ ըսաւ` Այսօր այս վայրին մէջ ամէնքս եղբայրներ ենք։ Հոս միակ Հայրը
մեր Երկնաւոր Հայրն է եւ միակ վարդապետը Յիսուս Քրիստոսն է։ Անոր ուղղենք մեր նայուածքը,
Անոր` որ ընտրեց խոնարհութեան եւ ծառայութեան ճանապարհը։ Քրիստոսի խոնարհութիւնը իսկական
է։ Ան ընտրեց ըլլալ մանուկներուն հետ, անտեսուածներուն հետ ու մեր հետ` որ մեղաւորներ
ենք։ Յիսուս մեր ուրախութիւնն է ու մեր վստահութիւնը ու հարկ է հետեւիլ Անոր։ Ան որ ճանապարհ
ու կեանք է - հաստատեց Սրբազան Հայրը - ու ապա քաջալերեց ներկաները յարատեւելու ողորմութեան
ճանապարհով։ Չենք կրնար Յիսուսին հետեւիլ եթէ իրար զիրար չի սիրենք, եթէ չի համագործակցինք
իրարու հետ եւ եթէ իրար զիրար չի հասկնանք ու իրարու չի ներենք - ըսաւ Ան - ու ապա մատնանշեց
թէ Քրիստոսի ողորմածութեան ճանապարհով ընթանալ կը նշանակէ Յոյս սերմանել։ Իտալական
ժամանակակից ընկերութիւնը եւ յատկապէս Սարտէնիան պէտք ունին Յոյսի։ Որպէս Եկեղեցի` ամէնքս
պատասխանատուութիւնը ունինք յոյսը սերմանելու, զօրակցութեան գործերով, պատկան իշխանութիւններուն
հետ համագործակցելով ու յարգելով ամէն մէկուն պատասխանատուութիւնը ։ Սրբազան Հայրը
խօսքը եզրափակեց ըսելով` Գարիդասը հասարակութեան արտայայտութիւն է եւ քրիստոնեայ հասարակութեան
ուժն է, նման թթխմորի որ ընկերութիւնը կ՛աճեցնէ։ Ես ձեզի կ՛ըսեմ` Քաջութիւն - յարեց
ֆրանչիսկոս Պապը - Մի թողուք որ յոսը խլեն ձեզմէ եւ յառաջ ընթացէք։ Սիրելի բարեկամներ
խնորհակալութիւն։ Ձեր ընտանիքներուն հետ միասին ձեզ բոլորդ կ՛օրհնեմ։