Францішак выразіў павагу да іслама і ўсіх мусульман
Папа Францішак выразіў
павагу да ісламу і ўсіх мусульман, а таксама паабяцаў што будзе спрыяць лепшаму паразуменню
паміж хрысціянамі і мусульманамі дзеля пабудовы міра і справядлівасці. Аб гэтым гаворыцца
ў лісце Пантыфіка да рэктара аднаго з найстарэйшых у свеце мусульманскіх універсітэтаў
“Аль-Азхар” Ахмеда Аль-Таеба. Пасланне ісламскаму тэолагу перадаў Апостальскі нунцый
у Егіпце арцыбіскуп Жан-Поль Габель. Паводле сакратара Аляксандрыйскага Патрыярхату,
а. Хані Бакума ліст Святога Айца, гэта чарговы крок, каб пераадоліць непаразуменні
паміж Апостальскай Сталіцай і універсітэтам “Аль- Азхар”, а таксама спрыяць развіццю
двухбаковых адносін паміж імі.