Папа Францішак сустрэўся
з прэм’ер-міністрам Літоўскай Рэспублікі Альгірдасам Буткявічусам. 19 верасня ён прыняў
палітыка на аўдыенцыі ў Апостальскім палацы Ватыкана. Імі былі адзначаны добрыя адносіны
паміж Літвой і Апостальскай Сталіцай, а таксама ўклад, які Каталіцкі Касцёл на працягу
стагоддзяў уносіць у грамадства, у прыватнасці ў адукацыйную і сацыяльную сферы, а
таксама яго дзейнасць на карысць сям’і і выхавання сумленняў паводле духоўных каштоўнасцяў.
У сувязі з цяперашнім старшынствам Літвы ў Савеце Еўрапейскага Саюза, былі абмеркаваны
некаторыя міжнародныя і еўрапейскія праблемы, якія уяўляюць узаемную цікавасць. Увага
звярталася на неабходнасць устанаўлення міра на Блізкім Усходзе, асабліва ў Сірыі,
аддаючы перавагу палітычнаму вырашэнню крызіса, праз дыялог і перамовы.