Еўропа паміж свецкасцю і секулярызмам ў цэнтры увагі біскупаў Старога Кантынента
“Бог і дзяржава: паміж
свецкасцю і секулярызмам” – гэта тэма сёлетняй генеральнай асамблеі старшыняў Біскупскіх
Канферэнцый краін Еўропы. Форум пройдзе 3-6 кастрычніка ў Браціславе, па ініцыятыве
Рады Біскупскіх Канферэнцый Еўропы (ССЕЕ) з нагоды 1150-годдзя прыбыцця святых Кірыла
і Мятода на славацкія землі. У мерапрыемстве прымуць удзел старшыні епіскапатаў з
33-х краін Старога Кантыненту, а таксама арцыбіскупы Люксембурга, Манака, Кіпра (мараніцкага
абраду), епархіі Мукачэва на Украіне, біскуп Кішынёва ў Малдове, а таксама некаторыя
госці з Афрыкі і Блізкага Усходу. Каб прыняць удзел у форуме ў Браціславу прыбудзе
таксама прэфект Кангрэгацыі па справах Біскупаў кардынал Марк Уэлле. Іерархі, з дапамогай
экспертаў, абмяркуюць сацыяльныя і духоўныя аспекты выклікаў, перад якімі стаіць сённяшняя
Еўропа, месца рэлігіі і ролю Касцёла ў грамадствах еўрапейскіх краін, якія апынуліся
паміж свецкасцю і секулярызмам, а таксама праблемы евангелізацыі.