ֆրանչիսկոս Սրբազան Քահանայապետի Հանդիպումը Հռոմի Թեմի Կղերին Հետ։

Երկուշաբթի 16 սեպտեմբերի առաւօտեան ժամը 10-ին, Հռոմի Լատերանի Սուրբ Յովհաննէս Պազիլիքայի մէջ, ֆրանչիսկոս Սրբազան Քահանայապետը հանդիպեցաւ Հռոմի թեմի շուրջ 1500 կուսակրօն քահանաներուն։
Սրբազան Հայրը անցեալ 17 յունիսին եւս Վատիկանի Պօղոս Զ-ի անուան սրահին մէջ հանդիպած էր կղերին ''Հռոմի եկեղեցական թեմական գիտաժողովի'' բացման առթիւ եւ այդ հանդիպումէն ետք Հռոմի տեղապահ Արքեպսիկոպոս` Կարտինալ Ակոսդինօ Վալինիէն խնդրած էր կազմակերպել երկրորդ հանդիպում մը։ Այս հանդիպումին առ ի պատրաստութիւն Սրբազան Քահանայապետը Կարտինալ Վալլինիէն խնդրած էր որ կղերին բաշխէ Արժանթինի կղերին 2008-ին իր մէկ ուղղած խորհրդածութիւնը որուն մէջ Նորին Սրբութիւնը քահանաները ներկայացուցած էր որպէս ''սիրալիր աշակերտներ'' եւ ''եռանդուն առաքեալներ'' զգուշացնելով զանոնք լոկ պաշտօնեաներ դառնալէ