''Սուրբ Գրիգոր Լուսաւորիչ. Քրիստոնէութեան Ընդհանուր Ժառանգութիւն'' Լուսանկարներու Ցուցահանդէս` Վատիկանի ''Palazzo della Cancelleria'' Պալատի Սրահներուն Մէջ։

Հայաստանի անկախութեան տօնին առթիւ, 19 սեպտեմբեր 2013-ի երեկոյեան, Վատիկանի ''Palazzo della Cancelleria'' պալատի սրահներուն մէջ, Քահանայապետական Մշակոյթի Խորհուրդի հովանաւորութեամբ եւ Սուրբ Աթոռի մօտ Հայաստանի հանրապետութեան դեսպան` Տիար Միքայել Մինասեանի նախաձեռնութեամբ, բացումը կը կատարուի` ''Սուրբ Գրիգոր Լուսաւորիչ. Քրիստոնէութեան Ընդհանուր Ժառանգութիւն'' խորագրով լուսանկարներու ցուցահանդէսին։
Ցուցահանդէսի բացման հանդիսութեան ներկայ կը գտնուի նաեւ Հայաստանի Արտգործ Նախարար` Տիար Էտուարտ Նալպանտեան։
Յայտնենք որ ցուցահանդէսը բաց պիտի մնայ հանրութեան` 20 սեպտեմբերէն մինչեւ 19 հոկտեմբեր 2013։