2013-09-16 12:19:35

Զաուահիրի Իսլամական Ընդդիմադիրներուն
Կոչ Կ՛ուղղէ Աշխարհիկներուն Հետ Չդաշնակցելու


Քայիտայի ղեկավար Այման Զաուահիրի սուրիական ընդդիմութեան շարքերուն մէջ եղող իսլամականներուն կոչ ուղղեց պայքարելու թէ՛ սուրիական վարչակարգին, թէ՛ ընդդիմութեան դէմ: Ըստ անոր, Արեւմուտքի եւ Արաբական ծոցի երկիրներուն կողմէ աջակցութիւն ստացող Սուրիական ազատ բանակը ոչինչով լաւ է կառավարական զօրքերէն:
Ան հերքեց, որ Քայիտան Սուրիոյ մէջ շուկաներու եւ մզկիթներու դէմ յարձակումներ կը գործէ` նշելով, որ «իսլամներուն կամ ոչ իսլամներուն արիւնը հեղել իսլամական օրէնքով արգիլուած է»` աւելցնելով, որ Քայիտա այդ արարքներուն անմասն է: Ան ըսաւ, որ եթէ այդ յարձակումները գործողները Քայիտայի անդամներ են, ապա հաշուետուութեան պիտի կանչուին:
Մինչ այդ, իսրայէլեան պատկերասփիւռի 2-րդ կայանը երէկ գիշեր այն կարծիքը յայտնեց, որ Ժընեւի մէջ գոյացած ռուս-ամերիկեան համաձայնութենէն ետք Սուրիոյ դէմ ամերիկեան հարուածի ծրագիրը այլեւս չեղեալ է` աւելցնելով, որ սուրիական քիմիական զէնքերուն վնասազերծումը մէկ տարի պիտի տեւէ եւ աւարտի 2014-ին:







All the contents on this site are copyrighted ©.