Ս. Աթոռի ՄԱԿի մօտ Մնայուն Դէտը Խստիւ Քննադատած Է Զէնքի Վաճառքը ։
Գերապայծառ Սիլվանօ Թոմազի` Ս. Աթոռի մնայուն դէտը Ժընեւի Միացեալ Ազգերու Կազմակերպութեան
մօտ, 9 սեպտեմբեր 2013-ին, դատապարտած է բոլոր անոնք որոնք կը շահագործեն միջազգային
տագնապները աւելի զէնք ծախելու կամքով։ Գերապայծառ Սիլվանօ Թոմազի մատնանշած է այդ
վաճառքէն յառաջ եկած հսկայական շահերը։ Զէնքի գործատուներու ու զինուորական հաստատութիւններու
միջեւ սերտ կապը իրական է եւ մեծ ազդեցութիւն ունի քաղաքական գետնի վրայ` մասնաւորապէս
յառաջադէմ մեծ պետութիւններու մօտ։ Յայտնենք որ Ս. Աթոռը երկար միշտ հակառակ կեցուածք
ունեցած է զէնքի արտադրութեան ու վաճառքի դէմ։ Նշենք որ ֆրանչիսկոս Քահանայապետը եւս,
անցեալ կիրակի 8 սեպտեմբերի կէսօրին, ''Հրեշտակ Տեառն'' մարեմեան աղօթքին ընթացքին,
խստիւ դատապարտած է զէնքի ապօրինի վաճառքը պաշտպան հանդիսանալով Սուրիոյ ժողովուրդին։