Ասատ. «Սուրիոյ Դէմ Զինուորական Հարուածներու Պարագային Ամէն Բան Նախատեսելի Է»
Սուրիոյ նախագահ Պաշշար Ասատ երէկ զգուշացուց, որ «Սուրիոյ դէմ զինուորական հարուածներու
պարագային ամէն բան նախատեսելի է»` նշելով, որ «սուրիական պատերազմին մէջ ներքաշուիլը
Միացեալ Նահանգներու շահերուն կը հակասէ»: Ասատ ըսաւ, որ Սուրիա զանգուածային քանդումի
զէնքերուն դէմ է, ըլլան անոնք քիմիական, թէ հիւլէական: Ան աւելցուց, որ Միացեալ Նահանգներու
կողմէ Սուրիոյ դէմ յարձակումին պարագային յոռեգոյնը պէտք է նախատեսել: Ասատ ըսաւ,
որ ամբողջ աշխարհը նախագահ Օպամայի վարչակազմին նկատմամբ յուսախաբութիւն կը զգայ: Ան
նաեւ ընդգծեց,որ որեւէ հարուած Սուրիոյ մէջ Քայիտայի թեւին տրամադրուած ուղղակի աջակցութիւն
մը պիտի ըլլայ: