Падрабязнасці візіта Папы ў рымскі цэнтр дапамогі мігрантам
Папа Францішак 10
верасня наведае езуіцкі цэнтр дапамогі бежанцам і мігрантам “Astalli”, які знаходзіцца
ў самым цэнтры Рыма. Кс. Джаванні Ла Мана, кіраўнік гэтага цэнтра, у інтэрв'ю інфармацыйнаму
агенцтву “Sir” адзначыў, што Францішак прыбудзе ў той час, калі звычайна каля 400
асоб стаяць у чарзе, каб атрымаць гарачую ежу. Святар запэўніў, што Папа прывітае
уцекачоў у сталоўцы і пагаворыць з некатрымі з іх. “Затым Святы Айцец наведае Касцёл
“Del Gesu”, у якім знаходзіцца магіла кс. Пэдра Арупэ – іспанскага святара, заснавальніка
гэтага цэнтра - адзначыў кс. Манна. Там Папу прывітаюць уцекачы, жыхары цэнтра, а
таксама валанцёры, якія яго абслугоўваюць.
Кс. Ла Мана падкрэсліў, што Пантыфік
хоча, каб яго візіт меў не публічны характар, а сцісла прыватны. “Гэта будзе ў пэўным
сэнсе працяг пілігрымкі на востраў Лампедузу, якую Пана наведаў 8 ліпеня”, - сказаў
кіраўнік цэнтра “Astalli”. Ён падкрсэліў, што ў цэнтры для бежанцаў,падчас візіту
Святога Айца будзе працягвацца нармальны рытм працы.