Վերջին Երկու Շաբաթներուն Հայաստան Տեղափոխուած Են 400 Սուրիահայեր

ԵՐԵՒԱՆ, «Արմէնփրէս».– «Վերջին երկու շաբաթների ընթացքում Հայաստան են տեղափոխւում սիրիահայերը, ովքեր կարողացել էին ժամանակին դուրս գալ երկրից եւ հասնել Լիբանան»: Այս մասին «Արմէնփրէս»ին հետ ունեցած զրոյցին ընթացքին յայտնած է Հայաստանի սփիւռքի նախարարութեան աշխատակազմի ղեկավար Ֆիրդուս Զաքարեանը: «Նրանք Հայաստան են գալիս Պէյրութ-Երեւան չուերթով, որն իրականացւում է շաբաթական երկու անգամ: Կարելի է ասել՝ վերջին մէկ ամսում աւելի քան 400 մարդ եկել է Հայաստան», ըսած է Ֆիրդուս Զաքարեանը:
Հայաստանի փոքր եւ միջին ձեռնարկատիրութեան զարգացման ազգային կեդրոնի հասարակութեան հետ կապերու պատասխանատու Դաւիթ Մուրադեան իր կարգին տեղեկացուցած է, որ Սուրիոյ մէջ սկսած պատերազմական դէպքերէն ետք Հայաստանի մէջ առեւտրական ծրագիրներ սկսելու համար ներկայացուած են 76 առեւտուրի ծրագիր: «Դրանցից 63ը ներկայացուել են ՓՄՁ ԶԱԿի կողմից կազմակերպուած դասընթացին մասնակցելուց յետոյ, իսկ 13ն առանց մասնակցելու: 60 մասնակցի բիզնես պլան արդէն հաստատուել է, որից 32ն արդէն վարկաւորուել են, իսկ մնացած 28ը վարկաւորման փուլում են», նշած է Դաւիթ Մուրադեանը:
Ան տեղեկացուցած է, որ դիմողներուն առեւտրական ծրագիրները կ՛ուսումնասիրուին եւ կը վաւերացուին իրենց մասնագէտներէն բաղկացած յանձնաժողովին կողմէ, իսկ ՓՄՁի գործընկեր դրամատուները մատչելի տոկոսներով վարկեր կը տրամադրեն։
Հայաստան բնակութիւն հաստատելու նպատակով տեղափոխուած սուրիահայերուն թիւը յատկապէս աճած է վերջին քանի մը ամիսներուն ընթացքին։ Սուրիոյ մէջ պատերազմական իրավիճակի թէժացումէն եւ շրջափակման ընդարձակումէն առաջ ցամաքային ճամբով Հայաստան եկած է ամիսը շուրջ 350-400 սուրիահայ: Այժմ Հայաստանի մէջ կ՛ապրին շուրջ 10 հազար սուրիահայեր, որոնց հազարէն աւելին արդէն աշխատանք ունի: