Італьянская містычка
Марыя Баланезі, якая жыла пад канец мінулага стагоддзя, 7 верасня была паднесена да
хвалы алтароў. Беатыфікацыйная св. Імша адбылася ў Равіга, горадзе паўночна-ўсходняй
Італіі. Літургію ўзначаліў кардынал Анджэла Амата, прэфект Кангрэгацыі па справах
Кананізацыі. Марыя Баланезі нарадзілася ў 1924 г. і большую частку свайго жыцця пражыла
ў пакутах і хваробах, якія яна пераносіла з вялікай мужнасцю і адданасцю Божай волі.
Дзяўчынай яна перажыла шмат спакусаў д’ябла. Дзякуючы малітвам святара і мясцовага
біскупа яе апантаннасць паступова слабела. 1-га красавіка 1942 г. Марыя першы раз
убачыла ў сне Пана. Доказам гэтаму былі тры пярсцёнкі, якія атрымала ад Хрыстуса.
Першы з іх змяшчаў пяць рубінаў, на знак Яго пяці ранаў. Пазней Езус падараваў ёй
яшчэ больш каштоўны, з надпісам: “Ecce Homo” (Вось чалавек) і затым самы каштоўны-
залаты. Падчас гэтых візій Марыя Баланезі шмат цярпела і свае пакуты ахвяроўвала Езусу,
асабліва за патрабуючых. Са згоды свайго духоўнага кіраўніка, яна запісала ў сшытку
свае містычныя дасведчанні – выйшла больш за 2 тыс. старонак.
Нягледзячы на
цяжкі стан здароў’я, яна шмат увагі прысвячала хворым. Памерла 30 студзеня 1980 г.
у Равіга. “Марыя з’яўляецца знакам прысутнасці Бога ў пакорлівых душах. Нават калі
містычныя дары, якія ўзбагацілі яе адносіны з Богам, далёкія ад нашага вопыту; яе
любоў да патрабуючых, хворых і яе ўдзел у пакутах іншых – з’яўляюцца для нас прыкладам
і доказам яе блізкасці да Пана і дазваляюць нам прасіць яе заступніцтва за нас перад
Богам”, - напісаў пастулатар беатыфікацыйнага працэсу, кс. Ціта Сарторы.