Ուրբաթ 6 սեպտեմբեր 2013-ի առաւօտեան ժամը 7-ին ֆրանչիսկոս Սրբազան Քահանայապետը Տոմուս
Սանդա Մարդայի մատրան մէջ մատույց սուրբ պատարագը ու այդ առթիւ արտասանած իր քարոզին
մէջ խօսքը կեդրոնացուց քրիստոնեայի ուրախութեան վրայ` ''քրիստոնեան հիմնականին ուրախ
է'' - ըսաւ ֆրանչիսկոս Պապը - ակնրակելով Կանայի հարսանիքին ու ապա բնորոշեց քրիստոնեայի
երկրորդ յատկանիշ մը որ է ''Քրիստոսը ճանչնալ որպէս կեդրոն որպէս ամբողջութիւն''։ Նորին
Սրբութիւնը հուսկ ժամը 11-ին իր գրասենեակի մէջ ընդունեց Պոլիվիայի նախագահ Էվօ Մորալէս
Այման ու անոր ընկերացող շքախումբը։ Ապա ընդունեց Իտալիոյ Եպիսկոպոսական Համահաւաք դասի
նախագահ Կարտինալ Անճէլօ Պանիասքոն։ Հուսկ ժամը 12,30-ին ընդունեց ''Սանդ Էճիտիոյ'' անուան
հասարակութեան հիմնադիր` Տիար Անտրէա Րիքքարտին։ Յայտնենք որ Էվօ Մորալէսի այս
հանդիպումը երկրորդ հանդիպումն է ֆրանչիսկոս Քահանայապետին հետ։ Առաջինը տեղի ունեցած
էր անցեալ 28 յուլիսին, Պրազիլի մէջ, երիտասարդութեան համաշխարահյին հանդիսութեան աւարտին։
Էվօ Մորալէսը Պոլիվիայի առաջին բնիկ նախագահն է ընտրուած 2005 թուականին եւ վերընտրուած
2009-ին։ Պոլիվիայի կաթողիկէ եկեղեցին ունի 7 միլիոն 850 հազար հաւատացեալ, 8 միլիոն
724 հազար բնակչութեան վրայ։ Եկեղեցին ունի ապա դաստիարակչական 1500 կառոյց, 600 առողջապահական
կեդրոն եւ 300 ընկերային հաստատութիւն ինչպէս նաեւ 200 ընկերային հաղորդակցութեան կազմակերպութիւն։
2009-ին Պոլիվիան որդեգրեց նոր սահմանադրութիւն մը որ կը ճանչնայ Պոլիվիայի տարածքի
վրայ ապրող 36 ազգութիւններ ։