Եգիպտոսի Արտաքին Գործոց Նախարարը Մահափորձէ Մը Կը Փրկուի
ԳԱՀԻՐԷ, «Ռոյթըրզ».- Հինգշաբթի, Սեպտեմբեր 5ին, Եգիպտոսի ներքին գործոց նախարար Մուհամմատ
Իպրահիմը թիրախ դարձուցած ականուած երկու ինքնաշարժներու պայթումին պատճառով արձանագրուած
են 21 վիրաւորներ, որոնցմէ 11ը՝ ոստիկաններ: Նախարարը անվնաս փրկուած է պայթումներէն:
Եգիպտոսի ոստիկանութիւնը աւելի ուշ հաղորդեց, թէ նախարարին դէմ յարձակումին մասնակից
երկու զինեալներ սպաննուած են, իսկ Գահիրէի մէջ ապահովական միջոցառումները ամրապնդուած
են եւ դէպի ներքին գործոց նախարարութիւն առաջնորդող բոլոր ճամբաները փակուած: