6 верасня папа Францішак
прыняў на аўдыенцыі Прэзідэнта Балівіі Эва Маралеса, які затым сустрэўся з кардыналам
Дзяржсакратаром Тарчызіо Бэртонэ. Падчас сардэчных размоваў імі абмяркоўвалася сацыяльна-эканамічная
сітуацыя ў гэтай лацінаамерыканскай краіне, а таксама іншыя тэмы, звязаныя з барацьбой
з сацыяльнай няроўнасцю і беднасцю. Прэзідэнт Балівіі адзначыў вялікі ўклад Каталіцкага
Касцёла у развіццё сферы адукацыі, аховы здароўя, падтрымцы сямей і дапамогі дзецям
і старым у гэтай краіне. Удзельнікамі дыскусіі падкрэслівалася важнасць захавання
добрых адносінаў паміж касцёльнай супольнасцю і дзяржавай, улічваючы агульную зацікаўленасць
у служэнні ўсяму народу. Падчас аўдыенцыі не засталася па-за увагай і тэма міжнародных
адносінаў, у прыватнасці неабходнасці спрыяння міру на Блізкім Усходзе.