Барталамей І далучыўся да закліку Папы аб малітве і посце ў інтэнцыі міра
Патрыярх Канстантынопальскі
Барталамей І выразіў жаданне далучыцца да закліку папы Францішка прысвяціць 7 верасня
малітве і посту ў інтэнцыі міра ў Сірыі, на Блізкім Усходзе і ва ўсім свеце. Праваслаўны
іерарх таксама звярнуўся да кіраўнікоў краін “Вялікай дваццаткі”, якія сабраліся на
саміт у Санкт-Пецярбургу, каб “рашэнні на ім прынятыя спрыялі мірнаму, а не вайсковаму
вырашэнню сірыйскага канфлікта”. “Царква ў Канстантынопалі вітае ініцыятыву Біскупа
Рыма Францішка, які зрярнуўся да хрысціян на ўсёй зямлі, каб у суботу паядналіся ў
малітве і посце, просячы аб наступленні міра на змучанай сірыйскай зямлі, з надзеяй
што Бог асвеціць розум адказных палітыкаў, і такім чынам яны недапусцяць вайсковых
дзеянняў, якія безумоўна прывядуць да смерці нявінных ахвяраў”, - гаворыцца ў паведамленні
Канстантынопальскага Патрыярха. Барталамей І падкрэсліў: “Таксама і мы прымаем заклік
папы Францішка маліцца ў гэтай інтэнцыі ў бліжэйшую суботу, як рабілі заўсёды з таго
моманту калі пачаўся крывавы канфлікт у Сірыі”.