4 സെപ്റ്റംമ്പര് 2013, വത്തിക്കാന് സിറിയയിലെ വംശീയ കലാപത്തില് ക്രൈസ്തവര് പീഡിപ്പിക്കപ്പെടുന്നുണ്ടെന്ന്,
പൗരസ്ത്യ സഭകള്ക്കായുള്ള വത്തിക്കാന് സംഘത്തിന്റെ പ്രീഫെക്ട്, കര്ദ്ദിനാള് ലിയനാര്ദോ
സാന്ദ്രി പ്രസ്താവിച്ചു. വര്ദ്ധിച്ചു വരുന്ന അക്രമപരമ്പരയില് ഏറ്റുവുമധികം ഞെരുക്കപ്പെടുന്നത്
ന്യൂനപക്ഷവും ദുര്ബലരുമായ ക്രൈസ്തവരാണെന്ന് സെപ്റ്റംമ്പര് 3-ാം തിയതി ചൊവ്വാഴ്ച റോമിലിറക്കിയ
പ്രസ്താവനയിലൂടെ കര്ദ്ദിനാള് സാന്ദ്രി വിശദീകരിച്ചു.
സിറിയയിലെ അഭ്യന്തര കലാപാന്തരീക്ഷം
വന്ശക്തികളുടെ ആയുധ കിടമത്സരത്തിന് വേദിയാകുകയാണെങ്കില് വീണ്ടും പാവങ്ങളും നിര്ദ്ദോഷികളുമായിരിക്കും
ബലിയാടുകളാകാന് പോകുന്നതെന്നും കര്ദ്ദിനാള് സാന്ദ്രി ചൂണ്ടിക്കാട്ടി.