Ватыканская дыкастэрыя заклікае кансэкраваных асобаў маліцца аб міры
“Чалавецтва мае патрэбу
ў тым, каб бачыць жэсты міра і слухаць словы надзеі і супакою”, таму ўсе кансэкраваныя
асобы, якія знаходзяцца ў Рыме атрымалі запрашэнне прыбыць 7 верасня на плошчу св.
Пятра, каб далучыцца да малітвы ў інтэнцыі міра ў Сірыі. Аб гэтым гаворыцца ў спецыяльным
паведамленні Кангрэгацыі па справах Інстытутаў кансэкраванага жыцця і Таварыстваў
апостальскага жыцця апублікаваным 3 верасня. У пасланні адзначаецца, што “кансэкраваныя
асобы, якія ўпоўні адказалі на любоў Бога, у сваім сэрцы адчуваюць боль і пакуты звязаныя
з вайной” аб якіх казаў папа Францішак 1 верасня перад малітвай “Анёл Панскі”. У сувязі
з гэтым, кіраўніцтва Кангрэгацыі заклікала кансэкраваных асобаў уласным жыццём сведчыць
аб непрыняцці вайны і прасіць Бога аб тым, каб быць прыладамі справядлівасці і міра
там, дзе яны знаходзяцца.
“Але таксама адчуваем тэрміновую неабходнасць разам
прасіць Пана, каб у Сірыі і ва ўсіх канфліктных сітуацыях дамінавала “культура сустрэчы,
культура дыялога”, - гаворацца ў паведамленні ватыканскай дыкастэрыі.
Кангрэгацыя
заклікае кансэкраваных асобаў ва ўсім свеце адказаць на словы Папы і перажыць дзень
малітвы і посту ў інтэнцыі міра ў Сірыі, які адбудзецца 7 верасня, прымаючы удзел
не толькі ў літургічных набажэнствах прадугледжаных у мясцовых касцёлах, але таксама
арганізаваць асаблівыя, у кожнай манаскай супольнасці і ва ўсіх інстытутах кансэкраванага
жыцця.