Францішак: не забіваць бліжніх плёткамі і распаўсюджваннем чутак
Дзе ёсць Бог – там
няма нянавісці, зайздрасці і рэўнасці, а таксама няма пляткарства, якое забівае нашых
братоў. З такімі словамі папа Францішак звярнуўся да ўдзельнікаў ранішняй Эўхарыстыі
ў Доме св. Марты, якую цэлебраваў 2 верасня ў прысутнасці групы гасцей пасля перыяду
летняга адпачынку. У цэнтры гаміліі Святога Айца была сустрэча Езуса з яго землякамі
– жыхарамі Назарэта, пра якую апавядае сённяшняе Евангелле. Папа нагадаў, што назарэцяне
захапляліся Езусам, але, каб паверыць у Яго, чакалі нечага незвычайнага: “хацелі цуда,
хацелі прадстаўлення”. Тады Езус ім сказаў, што не маюць веры. Яны, у сваю чаргу,
“напоўніліся гневам і, устаўшы, выгналі Яго прэч з горада, і павялі на вяршыню гары,
на якой быў пабудаваны іх горад, каб скінуць Яго”. “Паглядзіце, як змяняюцца рэчы:
пачынаюцца з прыгажосці, захаплення, а закачваюцца злачынствам: хацелі забіць Езуса.
Гэта з-за рэўнасці, зайздрасці, усе гэтыя рэчы... Гэта не нешта, што здарылася 2000
гадоў таму: так здараецца штодзённа ў нашых сэрцах, у нашых супольнасцях. Калі супольнасць
кажа: “Як добра, што Ён прыйшоў да нас!”, кажа пра яго добра ў першы дзень; у другі
– не вельмі; а на трэцці пачынае пляткарыць і драпаць яго”, - адзначыў Папа.
Пантыфік
падкрэсліў, што назарэцяне хацелі забіць Езуса, а пляткарства параўноўваецца з забойствам.
“Тыя,
хто ў супольнасці распускаюць плёткі пра братоў, аб членах супольнасці, хочуць забіць
іх – гэта тое самае! Апостал Ян, у сваім Першым Пасланні, 3 раздзеле і 15 вершы, казаў:
“Кожны, хто ненавідзіць брата свайго, той чалавеказабойца”. Мы прызвачаіліся да пляткарства,
распаўсюджвання чутак Але колькі разоў нашы супольнасці і нашы сям’і, з’яўляюцца пеклам
у якім кіруюцца гэтай злачыннасцю: забіваць братоў і сясцёр мовай!”, - адзначыў Папа.
Францішак
падкрэсліў, што нянавісць разбурае супольнасці і сем’і. Яе сее сатана ў сэрцах прымушаючы
казаць блага пра іншых. “У гэтыя дні мы шмат гаворым аб міры”, мы бачым шматлікіх
ахвяраў зброі, але трэба таксама падумаць аб нашай штодзённай здроі – мове, плётках,
чутках”, - адзначыў Папа.
Паводле Святога Айца мір ў супольнасці, сям’і, краіне,
свеце пачынаецца з еднасці з Панам. “Дзе Пан – там няма зайздрасці, злачынства, нянавісці,
рэўнасці. Ёсць братэрства”, - сказаў Францішак і заклікаў маліцца да Пана, аб тым,
каб ніколі не забіваць бліжніх мовай.