Papa Françesku priti ambasadorin e ri të Malit të Zi
Papa Françesku priti sot paradite në audiencë ambasadorin e ri të Malit të Zi pranë
Selisë së Shenjtë, Veselin Shukoviç, me rastin e paraqitjes së Letrave Kredenciale. Kujtojmë
se marrëdhëniet diplomatike ndërmjet Vatikanit e Malit të Zi janë vendosur me 16 dhjetor
2006, me qëllim që të nxisin raporte miqësore e bashkëpunimi. Me 19 qershor
2006 Selia Shenjte ka njohur zyrtarisht Republikën e Mali të Zi, shkëputur nga Unionin
Serbi e Mali i Zi, e më parë të dyja bënin në federatën e Jugosllavisë. Aktualisht
në Malin e Zi janë dy dioqeza katolike: kryedioqeza e Tivarit, me afër 11.500
besimtarë, kryesisht shqiptarë, 19 famulli kishtare, 12 meshtarë e 34 rregulltare;
e dioqeza e Kotorrit, me afër 10.000 besimtarë, kryesisht kroatë, 23 famulli, 15 meshtarë
e 31 rregulltare. Dy ipeshkvijtë katolikë të Malit të Zi bëjnë pjesë në Konferencën
Ipeshkëvnore Katolike Ndërkombëtare të Shën Çirlit e Metodit.