Մեծ Բրիտանիոյ վարչապետ Տրիտ Քեմերոնը՝ ընդդիմադիր Աշխատաւորական կուսակցութեան ճնշման
տակ՝ յետաձգած է Սուրիոյ վրայ յարձակումը: Reuters գործակալութեան փոխանցած տեղեկութիւններով՝
նախօրէին Մեծ Բրիտանիոյ խորհրդարանին մէջ հրաւիրուած արտահերթ նիստէն ետք ընդունուած
է որոշում, որ թագաւորութիւնը Սուրիոյ դէմ ռազմական գործողութիւններուն պիտի մասնակցի
միայն ՄԱԿ տեսուչներու հետաքննութեան աւարտէն ետք, երբ պարզ պիտի դառնայ, թէ իրականութեան
մէջ ով կիրառած է քիմիական զէնք: Հաշուի առնելով 2003-ին Իրաք ներխուժելու ժամանակ
հանրութեան անվստահութիւնը՝ նախկին վարչապետ Թօնի Պլէյրի նկատմամբ` Աշխատաւորական կուսակցութեան
առաջնորդ Էտ Միլիպանտ եւ շարք մը պահպանողականներ սպիտած են Քեմերոնը յետաձգելու գործողութիւնները: “Մեր
առաջարկած նախագիծը կ’արտացոլէ Իրաքի մէջ տեղի ունեցածին վերաբերեալ մեր երկրի խոր անհանագստութեան
գիտակցումը վարչապետին կողմէ”,- յայտարարած է Մեծ Բրիտանիոյ ԱԳ նախարար Ուիլեամ Հէյկը: