Папа зрабіў чарговыя прызначэнні ў ватыканскія ведамствы
30 жніўня 2013 г.
Святы Айцец Францішак прызначыў новага генеральнага сакратара Губернатарата Ватыкана.
Ім стаў 68-гадовы іспанскі святар Фернанда Вэргеза Альцага, які з’яўляецца членам
Кангрэгацыі легіянераў Хрыста. Пераходзячы ад сёння на новую пасаду, кс.Альцага пакідае
пасаду кіраўніка Дырэкцыі па тэлекамунікацыях горада-дзяржавы Ватыкан. Таксама сёня
Папа Францішак прызначыў новага кансультанта Прэфектуры эканамічных спраў Апостальскай
Сталіцы. Ім стаў падатковы спецыяліст і прафесар -ад’юнктар Турынскага ўніверсітэта
Паола Чэруццы. Прафесар Чэруццы мае за плячыма вопыт кіраўніцтва аўдытарскіх кампаній
і дзяржаўных органаў, адміністратыўную практыку ў Міністэрстве эканомікі, камерцыйных
структурах і прамысловых кампаніях Італіі. Лічыцца вядучым спецыялістам у галіне стратэгічнага
планавання і фінансава-гаспадарчай дзейнасці. Папа Францішак працягвае рэфармаваць
фінансава-эканамічную сістэму Святога Пасаду і Ватыкана. Прызначэнні падкрэсліваюць
ўвагу Пантыфіка да эканамічнага планавання як стратэгіі. Прэфектуру эканамічных
спраў ўзначальвае ад 2011г. кардынал Джузэпэ Версальдзі. Прэфектура эканамічных спраў
Апостальскай Сталіцы — ведамства Рымскай курыі, якое кіруе фінансавымі ўкладамі і
бюджэтам Ватыкана і Рыма-каталіцкага Касцёла.