Konferencë mbi të rinjtë në Parlamentin Evropian organizuar nga Kisha katolike
Më 4 shtator në Bruksel, në selinë e Parlamentit evropian, duke u nisur nga ora 14.00,
do të mbahet Konferenca e organizuar nga Komisioni i Ipeshkvijve të Bashkësisë Evropiane
(Comece) për t’iu përgjigjur pyetjeve të të rinjve e për t’i bërë ballë kërkesave
të tyre. Takimi do të ketë për temë “Krijimi i mundësive të reja për të rinjtë”. Ndër
temat që do të trajtohen gjatë këtij takimi janë: papunësia në rritje, ndryshimet
e shpejte të kushteve të jetës dhe plakja e popullsie: për të gjitha këto sfida që
shoqëria i ka para vetes do të bëhen përpjekje për të gjetur një zgjidhjeje të mundshme
e të pranueshme. Takimi në selinë e Parlamenti evropian, mbështetet nga europarlamentarët
Thomas Mann e Patrizia Toia, dhe realizohet në bashkëpunim me Fondacionin Konrad Adenauer
Stifung, rrjeti Juventus dhe Don Bosko International. Punimet do të ndahet në tri
momente që pasojnë nga një hyrje mbi situatën e të rinjve në tregun e punës dhe pasojat
shoqërore; do të ballafaqohet kriza e punësimit dhe përmes një reflektimi do të shqyrtohen
edhe kushtet e domosdoshme që lypen për të garantuar pjesëmarrjen dhe përfshirjen
e të rinjve në shoqëri.