Кусташ Святой Зямлі: існуе супрацоўніцтва паміж хрысціянамі і мусульманамі
Паводле кусташа Святой
Зямлі а. Пьерабацісты Піцабалы, на Блізкім Усходзе адбываецца вайна за ўладу паміж
рознымі фракцыямі і замежнымі краінамі, якія хочуць мець большы кантроль за транспартнымі
шляхамі і ўладай самой па сабе. На думку святара, не іслам, не хрысціянаства не паглыбляюць
гэтых канфліктаў. У інтэрв’ю Ватыканскаму радыё францішканін падзяліўся, што жыхары
рэгіёна напужаны, а з іншага боку не хаваюць сваёй злосці ў сувязі з вайной, ад якой
усе стаміліся. “Людзі не жадаюць гэтай вайны, яны проста хочуць спакойна жыць на сваёй
зямлі, у свабодзе; але ім даводзіцца бачыць гэтыя гульні моцных, якія ствараюць вельмі
цяжкія сітуацыі”, - сказаў ён. Святар адзначыў, што на Блізкім Усходзе шмат бежанцаў
– у Ліване, Іарданіі і ў самой Сірыі. Паводле а. Піцабалы тут ужо сабраліся каля 2
млн. бежанцаў, што стварае небяспечную сацыяльную сітуацыю.
Кусташ Святой Замлі
расказаў, што нягледзячы на вайну жыццё працягваецца. Каментуючы адносіны паміж мусульманамі
і хрысціянскай меншасцю, ён адзначыў: “Мы бачылі разбураныя храмы нават у Егіпце,
не толькі ў Сірыі; аб’ектыўна сітуацыі праблематычныя і складаныя, але на іх нельга
спыняцца. Нашмат больш прыкладаў супрацоўніцтва і дапамогі”. “Гістарычная, традыцыйнае
сумеснае пражыванне паміж дзвюма супольнасцямі, павінна працягвацца і дамінаваць”,
- сказаў ён.