Кардынал Раі: хрысціяне плацяць крывёй за войны ў арабскім свеце
“У Іраку з 1,5 млн.
хрысціян мы згубілі 1 млн., пры поўным маўчанні міжнароднай супольнасці”, – адзначыў
кардынал Бутрас Раі, мараніцкі Патрыярх Антыёхіі. Каментуючы апошнія падзеі на Блізкім
Усходзе, пурпурат выказаў меркаванне, што ў свеце існуе план разбурэння арабскага
свету. “Нажаль, гэта палітыка паходзіць з-за мяжы”, – сказаў ён і дадаў, што часта
расплачвацца сваёй крывёй за яе здзейсненне вымушаны хрысціяне, якія пражываюць у
блізкаусходніх краінах. Гаворачы пра разбурэнне хрысціянскіх святынь у Егіпце, кардынал
Раі адзначыў, што падобныя дзеі адбываюцца часта ў сітуацыях хаосу: так адбывалася
ў Сірыі, Іраку і зараз у Егіпце.
“Ва усім арабскім свеце, хрысціяне стаяць
на баку дзяржаўных структур, паважаюць краіну ў якой жывуць, улады і Канстытуцыю”,
– сказаў ён і дадаў, што “Браты мусульмане” у Егіпце, атрымаўшы вялікую фінансавую
падтрымку з Захаду, калі прыйшлі да ўлады не імкнуліся праводзіць палітычныя рэформы,
якіх патрабаваў егіпецкі народ, але спрабавалі ўстанавіць законы шарыяту. “Канешне,
хрысціяне былі супраць гэтага: хрысціяне хочуць бачыць Егіпет рэфармаваным, дэмакратычным,
Егіпет у якім будуць паважацца правы чалавека”, - адзначыў пурпурат.