“L’Osservatore Romano” пра пабаденства Францішка і св. Пія Х
На падабенства паміж
папам Францішкам і св. Піем Х звяртае ўвагу сённяшняя “L’Osservatore Romano”. У артыкуле
пад загалоўкам “Адзіны пробашч, які стаў Папам”, адзначаецца, што абодва Пантыфікі
паходзілі перыферый і з небагатых сем’яў, лічыліся “чужымі” у Рымскай курыі, не прымалі
касцёльнага трыўмфалізма, велі просты лад жыцця і аддавалі перавагу душпастрыскаму
стылю у служэнні Біскупа Рыма. Да гэтых падабенстваў трэба дадаць яшчэ выключныя абставіны,
якія прывялі да іх абрання на Пасад св. Пятра: у выпадку папы Францішка – адмова яго
папярэдніка, а ў выпадку Пія Х – вета Аўстра-Венгерскай Імперыі, накладзенае на асобу
кардынала Марыяна Рампола дэль Ціндара – самага верагоднага кандыдата на абрання Папам
у той час.
“Абранне чалавека, які на працягу амаль 20-ці гадоў быў пробашчам,
ведаў толькі перыферыі Касцёла і быў здольным данесці свае думкі да любога суразмоўцы,
было навіной, якая скалыхнула спакойныя ватыканскія ўстоі і зачаравала сучаснікаў”,
- піша “L’Osservatore Romano” пра св. Пія Х.
Адзначаецца, што яго пантыфікат
прыйшоўся на цяжкі перыяд, у які ён, аднак, здолеў правесці вялікія рэформы ў Касцёле:
адмяніў права вета на абранне Пантыфіка, якім карысталіся некаторыя еўрапейскія манархіі,
правёў змены ў Рымскай курыі, зацвердзіў Кодэкс Кананічнага права, рэфармаваў сістэму
семінарыйнага навучання і літургічную музыку, дазволіў частае прыняцце Святой Камуніі
і панізіў да шасці-семі гадоў узрост дзяцей, якім можна было першы раз у жыцці прыступіць
да сакрамэнту Эўхарыстыі.