«30 Միլիոն Եգիպտացիներու Ըմբոստութիւնը Կարելի Չէ «Զինուորական Յեղաշրջում» Նկատել»
Ըսաւ Սէուտ Ֆայսալ
Սէուտական Արաբիոյ արտաքին գործոց նախարար Սէուտ Ֆայսալ յայտնեց, որ Փարիզի մէջ Ֆրանսայի
նախագահ Ֆրանսուա Հոլլանտին տուած իր այցելութեան նպատակը ֆրանսացի գործընկերներու հետ
Եգիպտոսի իրադարձութիւնները քննարկելով անոնց վերաբերեալ ոչ թէ ենթադրութեանց, այլ իրողութեանց
վրայ հիմնուած կեցուածք մը որդեգրելն էր:Ան սէուտական լրատու գործակալութեան յայտնեց, որ Եգիպտոսի մէջ տեղի ունեցածը 30 յունիսին 30 միլիոն եգիպտացիներու կանխահաս նախագահական ընտրութիւններ կատարելու կամքին արտայայտութիւնն է, որ արդիւնք է տնտեսական, քաղաքական եւ ընկերային կացութեանց անկումին, ինչ որ տնտեսական, քաղաքական եւ ընկերային ուժերը մղեցին ի մի խմբուելով յայտարարելու ճամբու քարտէս մը, որ Եգիպտոսը տագնապէն դուրս կը բերէ, որովհետեւ նախկին նախագահութիւնը մերժեց ընդառաջել եգիպտացի ժողովուրդին փափաքին: «30 միլիոն եգիպտացիի ըմբոստութիւնը բացարձակապէս կարելի չէ զինուորական յեղաշրջում նկատել, որովհետեւ զինուորական յեղաշրջումները խաւարին մէջ տեղի կ՛ունենան, ինչպէս նաեւ Եգիպտոսի մէջ իշխանութիւնը ստանձնած է քաղաքային նախագահութիւն մը, ինչ որ սահմանադրութեան համահունչ է», ընդգծեց իշխանը:
| All the contents on this site are copyrighted ©. |