Папата повика на молитва за Египет и Филипини

По завршувањето на молитвата Ангел Господов во недела 18 август папата Фрањо повторно упати апел за мир во Египет. Папата повика за мир во Египет и во четвртокот на Ангел Господов, како и во сабота. Покрај тоа оваа недела папата Фрањо повика на молитва за жртвите од бродската несреќа во Филипни, каде при судир на ферибот со товарен брод, загинаа 26 лица, а 200 се водат за исчезнати.
Го донесуваме апелот на папата Фрањо:

Драги браќа и сестри,

Ве поздравувам од сѐ срце, римјани и поклоници; семејства, парохиски групи, млади. Сакам да ве замолам за молитва за жртвите од бродската несреќа во Филипните, за нивните семејства, кој се исполнети со голема болка. Да продолжиме и понатаму да молиме за мир во Египет – сите заедно. Маријо, Мајко на мирот моли за нас. И сега сите заедно: Маријо, Мајко на мирот моли за нас


го*ко/РВ