Кардынал Сандры: рэлігійныя пытанні не вырашаюцца сілай
Напады на хрысціянскія
святыні ў Егіпце асудзіў кардынал Леанарда Сандры, прэфект Кангрэгацыі па справах
Усходніх Касцёлаў. У інтэрв’ю Ватыканскаму радыё 19 жніўня, пурпурат адзначыў, што
разбурэнне цэркваў “непрымальнае”, у першую чаргу таму, што “асабліва католікі, з’яўляюцца
меншасцю”. “Адраджэнне дзяржавы павінна адбывацца пры павазе да чалавечай асобы, пры
ўзаемнай павазе паміж усімі рэлігіямі, пры павазе да рэлігійнай свабоды”, - адзначыў
ён. Кардынал Сандры, падкрэсліў, што ніякая рэлігія, не можа стаць імпульсам да вайны
і насілля. “Ніколі нельга выкарыстоўваць сілу, насілле, тэрарызм ці вайсковую ўладу,
каб вырашыць пытанні звязаныя з верай. Мы павінны ўсведамляць, што запаведзь Бога
любіць адно аднаго, тычыцца ўсіх, як мусульман, так і хрысціян”, - сказаў пурпурат.