Егіпет: хрысціяне і мусульмане супраць тэрарызма і экстрэмізма
58 хрысціянскіх цэркваў
і ўстаноў на тэрыторыі Егіпта падвергнуліся нападам экстрэмістаў на працягу апошніх
некалькіх дзён супрацьстаяння паміж сіламі правапарадку і прыхільнікамі зрынутага
Прэзідэнта краіны Мухамеда Мурсі. Паводле прэс-сакратара егіпецкага епіскапата а.
Рафіка Грэйшы, 14 з пашкоджаных храмаў з’яўляюцца каталіцкімі. Астатнія прыналежаць
копцка-праваслаўнай, грэка-праваслаўнай, англіканскай і пратэстанскай супольнасцям.
У інтэрв’ю агенцтву “Fides” святар расказаў, што напады здзейсняліся ў розных частках
краіны, але іх большая колькасць зарэгістравана ў гарадах Эль-Мінья і Асьют, у цэнтральным
Егіпце. Паводле а. Грэйшы, менавіта тут знаходзіцца галоўная сядзіба ісламістаў, адказных
за насілле ў краіне.
Святар адзначыў, што нягледзячы на напады на хрысціянскія
святыні, варожасці паміж хрысціянамі і мусульманамі няма. Ён расказаў, што многія
вызнаўцы іслама, дапамагалі ў тушэнні пажараў у падпаленых храмах. “Гэта не грамадзянская
вайна паміж хрысціянамі і мусульманамі, але вайна супраць тэрарызма. Большасць насельніцтва
супраць тэрырызма і рэлігійнага экстрэмізма”, - падкрэсліў прадстаўнік егіпецкага
епіскапата.