Папа да законніц: калі св. Пётр закрые дзверы на Неба, Марыя іх адкрые
Жыць у прастаце і
шукаць самага грунтоўнага, заклікаў папа Францішак законніц з жаночай галіны францішканскага
ордэну 15 жніўня. Папа прыбыў у кляштар кларысак ў Кастэль-Гандольфа перад св. Імшой,
якую цэлебраваў на цэнтральнай плошчы горада. Сустрэча насіла прыватны характар і
працягвалася каля 45 хвілін. Настаяцельніца кляштару, маці Марыя Асунта Фока, у інтэрв’ю
Ватыканскаму радыё расказала, што Папа папрасіў законніц глыбока перажываць сваё пакліканне,
застаючыся вернымі харызмату ордэна – гэта значыць жыць у прастаце і беднасці, шукаючы
самае важнае і адчуваючы сябе сёстрамі. “Ён заклікаў монца жыць адносінамі, якія грунтуюцца
на любові Пана”, - сказала маці Марыя Фока. Яна адзначыла, што Папа вельмі глыбокі
чалавек, хоць і прамаўляе простымі словамі. Паводле законніцы, словы Святога Айца
прынеслі радасць і ўмацавалі ў больш аўтэнтычным жыцці іх пакліканнем.
Іншая
ўдзельніца сустрэчы, сястра Марыя Канчэта распавяла, што Папа быў вельмі спакойным:
здавалася, што яго нічога не турбавала і ён не меў важных спраў. Падчас сустрэчы з
законніцамі ён размаўляў пра Марыю і таямніцу Унебаўзяцця. Між іншым, Францішак распавёў
гісторыю, якой развесяліў прысутных. Папа адзначыў, што Марыя стаіць побач з брамай,
якая вядзе ў Рай; канешне, св. Пётр не ўсім адкрывае гэтыя дзверы і з-за гэта Марыя
пакутуе, аднак застаецца там. Калі наступае ноч, св. Пётр уходзіць і ніхто нічога
не бачыць, Марыя адкрывае гэтыя дзверы і дазваляе увайсці ўсім. Паводле Папы, гэта
гісторыя, нагадвае пра місію, якую выконваюць у свеце кляўзуровыя законніцы – яны
схаваны ад свету, многія нават не ведаюць пра іх існаванне праходзячы побач з кляштарамі,
аднак яны знаходзяцца там і ў маўчанні і цемры выконваюць сваю місію – адкрываюць
дзверы ў Рай для ўсяго чалавецтва, для усіх людзей, нават якіх не ведаюць і якія не
атрымалі дару веры. “Адкрыць гэтыя дзверы; вярнуць давер, надзею. Ніхто пра нас не
ведае, але гэта не важна. Пра гэта ведае Бог і Марыя”, - сказала законніца пра сваю
місію.