“100 пытанняў – 100 адказаў”. Ці прэзерватыў – гэта панацэя ад СНІДу?
Вельмі часта ў бок
Каталіцкага Касцёла можна пачуць такое абвінавачванне: маўляў, сваёй забаронай на
выкарыстанне прэзерватываў ён пагаршае сітуацыю са СНІДам у свеце. Паўсюдна прынята
лічыць, што прэзерватывы ў дадзеным пытанні – сапраўдная панацэя. Гэты стэрэатып шырока
падтрымліваецца многімі палітыкамі, буйнымі карпарацыямі, грамадскімі дзеячамі і некамерцыйнымі
арганізацыямі. Пазіцыя Касцёла імі разгядаецца як “неадказная”, “нерэалістычная” і
“неэфектыўная”.
Праблема СНІДу асабліва востра стаіць на афрыканскім кантыненце.
Тут існуюць краіны, у якіх носьбітамі гэтай хваробы з’яўляецца да 40% насельніцтва.
Аднак ў 2009 г., падчас Апостальскага падарожжа ў Анголу і Камерун, Бэнэдыкт XVI казаў:
“Нельга перамагчы гэта бедства праз распаўсюджванне прэзерватываў: наадварот, гэтым
ствараецца рызыка пагоршыць праблему”.
Вядома, што словы Святога Айца выклікалі
масу пратэстаў. Гучалі абвінавачванні ў несучаснасці і небяспечнасці яго прапаноў,
абыякаваці Касцёла да лёсу мільёнаў людзей, якія пакутуюць ад СНІДу ва ўсіх часткай
свету, перш за ўсё ў Афрыцы. Ці мае гэта крытыка падставы і хто ў ёй зацікаўлены мы
паспрабуем разабрацца ў сённяшняй праграме.
Па-першае, варта адзначыць, што
Касцёл больш чым неабыякавы да праблемы. Больш за 25% усіх хворых на СНІД атрымліваюць
дапамогу менавіта ад Каталіцкага Касцёла. Такой вялікай працы ў дадзенай сферы не
здзяйсняе ніводная арганізацыя ў свеце. Менавіта каталіцкія структуры дзейнічаюць
“на месцах”: не толькі пішуць пра праблему ў газетах, але знаходзяцца побач з хворымі,
падтрымліваюць іх, ажыцяўляюць складаную прафілактычную і адукацыйную працу ў “небяспечных”
рэгіёнах. Па-другое, міф пра эфектыўнасць прэзерватываў у прафілактыцы СНІДу не
пацвярджаецца навукова. Іх эфектыўнасць складае толькі 60 %. Вядома, што па меншай
меры 40% усіх хворых на СНІД, напрыклад, у Вялікабрытаніі, захварэлі ў выніку сексуальных
кантактаў з ужываннем. Прэзерватыў дае невялікую гарантыю, нават пры захаванні ўсіх
правілаў, звязаных з яго выкарыстаннем.
Амерыканскія навукоўцы і даследчыкі
з Еўрапейскай супольнасці, правялі дбайнае даследаванне латэксу – матэрыялу, з якога
вырабляюць прэзерватыў. Атрымліваецца, што губчатая структура латекса ўтрымлівае мікрапорыстыя
адтуліны, якія добра бачныя пад мікраскопам. Яны маюць дыяметр 5 мікрон. На сённяшні
дзень нікому не ўдалося стварыць прэзерватыў, які б не меў гэтых адтулін. Самыя буйныя
сперматазоіды маюць дыяметр 3 мікроны, гэта на два мікроны больш, чым самая вузкая
адтуліна ў прэзерватыве. Таму цалкам магчыма, што сперматазоід пройдзе праз невялікую
адтуліну. Даследаванні, праведзеныя ў Англіі, выявілі па меншай меры 14 такіх выпадкаў
у год на 100 пар, якія выкарыстоўвалі прэзерватывы. Аб такой жа колькасці заявіла
Сусветнай арганізацыя аховы здароўя.
Што тычыцца СНІДу, яго выклікае ВІЧ, які
знаходзіцца ў асноўным у сперме, у крыві і похвавых выдзяленнях інфіцыраваных.
Вядома,
што прэзерватывы псуюцца і губляюць сваю абарончую функцыю пры высокай тэмпературы.
Такі кантрацэптыў, паляжаўшы на вітрыне пад прамымі промнямі сонца, ужо не можа выкарыстоўвацца.
Што казаць пра пастаянную спёку на Чорным кантыненце?
Іншая праблема – гэта
якасць прэзерватыва. Тыя, якія прайшлі адпаведныя тэсты, каштуюць дорага, прадаюцца
толькі ў аптэках і маюць асаблівую адзнаку. Канешне, такія кантрацэптывы не распаўсюджваюцца
задарма ў бедных краінах.
Пра неэфектыўнасць прафілактыкі СНІДу з дапамогай
прэзерватываў кажа і практычны досвед у барацьбе з гэтай хваробай. Так напраклад кампаніі,
якія праводзіліся ў многіх афрыканскіх краінах і грунтаваліся на распаўсюджванні прэзерватываў,
цалкам праваліліся. Эпідэмія не толькі не спынілася, але і працягвае распаўсюджвацца.
Іншая сітуацыя склалася ў афрыканскай Угандзе. Тут, у перыд з 1986 па 1991 г.
атрымалася паменшыць колькасць захворванняў з 21% да 6%. Дасягнута гэта было ў першую
чаргу дзякуючы рэалізацыі праграмы “ABC”, якая атрымала сваю назву ад першых букваў
англійскіх словаў: “Abstinence – Be Faithful – Condom” (Устрыманасць – вернасць –
прэзерватыў). Нягледзячы на тое, што праграма прадугледжвала распаўсюджванне прэзерватываў,
пазітыўны вынік быў асягнуты ў першую чаргу дзякуючы змене сексуальных паводзінаў
людзей. Паводле навукоўцаў, за час правядзення кампаніі, на 60% паменшылася колькасць
людзей, якія часта змянялі палавога партнёра, а таксама значна павялічылася колькасць
моладзі ва ўзросце ад 15 да 19 гадоў, якія ўвогуле устрымліваліся ад сексу. Такім
чынам сакрэт поспеху быў у вернасці і устрыманасці – у тым, пра што кажа Касцёл.
У
якасці іншага прыкладу можна прывесці Філіпіны. Нягледзячы на тое, што краіна знаходзіцца
ў “небяспечным” у пытанні СНІДу рэгіёне, колькасць яго носьбітаў роўная 0,01% . Справа
ў тым, што 85% насельніцтва краіны з’яўляюцца католікамі і пераважна прытрымліваюцца
этыкі Каталіцкага Касцёла, заснаванай на ўстрыманасці і вернасці паміж сужонкам, а
не выкарыстанні прэзерватываў.
Такім чынам відавочна, што прэзерватывы не
вырашаюць праблему СНІДу. Яна з’яўляецца нашмат глыбейшай і ў першую чаргу звязана
са зменай культуры, звычаяў, адукацыі. Менавіта пра гэта казаў Бэнэдыкт XVI у Афрыцы.
Чаму ж тады яго голас не хочуць чуць многія нашы сучаснікі? Напэўна для многіх устрыманасць
і вернасць, гэта ідэалагічнае пытанне – крок назад ад сексуальнай свабоды, “вызваленай”
у другой палове ХХ ст. Гэтыя два паняцці звязаны з адказнасцю і глыбокім разуменнем
сексуальнасці, якая ў нашу эпоху ператварылася ў пэўнага кшталту наркотык, а не выраз
любові.
Таксама нельга забывацца, што словы Пантыфіка нясуць эканамічную небяспеку
многім фармацэўтычным карпарацыям і прадпрыемствам: за прэзерватывы плацяць, а за
ўстрыманне і вернасць – не. І тады можна зразумець адкуль паходзіць крытыка Касцёла.