«Իրանի Նոր Կառավարութեան Արտաքին Քաղաքականութիւնը Հաւասարակշռուած Պիտի Ըլլայ» Ըսաւ
Ռուհանի
Իրանի նախագահ Հասան Ռուհանի նշեց, որ իր կառավարութեան արտաքին քաղաքականութիւնը հաւասարակշռուած
ընթացք պիտի որդեգրէ` Իրանի մէջ ապահովութեան ու բարգաւաճման իրագործումը երաշխաւորելու
համար: Ան Իրանի խորհրդարանին առջեւ իր արտասանած խօսքին մէջ յայտնեց, որ հաւասարակշռուած
ըլլալ կը նշանակէ ձգտումներուն եւ իրողութեանց միջեւ հաւասարակշռութիւն հաստատել` վստահեցնելով,
որ իր կառավարութեան արտաքին քաղաքականութիւնը հիմնուած է Իրանի ազգային շահերուն դէմ
լարուածութիւններու կանխարգիլման վրայ: Ռուհանի շեշտեց, որ այդ քաղաքականութիւնը նաեւ
այլ երկիրներու հետ վստահութեան հաստատման վրայ հիմնուած է: