''Ինչո՞ւ աղօթել ֆրանսայի մէջ'' Խորագրով Հանդիպում Հաւատոյ Տարուայ Առթիւ։

Երեքշաբթի 13 օգոստոսին ֆրանսայի ''Puy-en-Velay''-ի սրբավայրին մէջ կազմակերպուած է հանդիպում մը որուն նիւթն է ''Ինչո՞ւ աղօթել ֆրանսայի մէջ'' ։ Նախաձեռնութիւնը կազմակերպուած է հաւատոյ տարուայ ծիրէն ներս Աստուածամօր վերափոխման տօնին նախօրեակին։ Հանդիպման ընթացքին ելոյէ կ՛ունենայ Մշակոյթի Քահանայապետական խորհուրդի երբեմնի նախագահ Կարտինալ Փօլ Փուփար, Փույի եպիսկոպոս` գերապայծառ Հէնրի Պրէնգարտ եւ հայր Պէրնար Արտուրա։ Հանդիպումը կ՛եզրափակուի ս. պատարագի արարողութեամբ եւ Հրեշտակ Տեառն Մարեմեան աղօթքով քաղաքի աթոռանիստ Եկեղեցւոյ մէջ։
Հանդիպումի կէտնպատակն է հարցադրել ''եթէ ազգերը կոչում մը ունին'',''եթէ կարեւոր է աղօթել սեփական երկրին համար'' եւ ''ի՞նչ դիտաւորութեամբ''։