Біскуп пра драматычную сітуацыю ў Цэнтральнаафрыканскай Рэспубліцы
12 жніўня ў Цэнтральнаафрыканскай
Рэспубліцы прайшоў Нацыянальны дзень мальтвы за мір, які быў ініцыяваны рэлігійнымі
лідэрамі краіны. Сітуацыя тут застаецца драматычнай, па словах арцыбіскупа Бангі.
Сваю Радзіму ён акрэсліў, як “зямлю без правоў і абароны”. Арцыбіскуп Д’еданэ Нцапалаінга
даў інтэрв’ю Ватыканскаму радыё. Многія людзі збягаюць ад насілля кіруючых мяцежнікаў
у лясы. Там яны жывуць, па словах іерарха, адрэзанымі ад дапамогі гуманітарных арганізацый.
“Горш за ўсё тым, хто мае патрэбу ў медыцынскай дапамозе. Гэтыя людзі павінны, як
і ўсе астатнія, харчавацца расліннай ежай і выкарыстоўваць карані і расліны, як лекі”,
- сказаў арцыбіскуп і дадаў, што зноў і зноў людзі гінуць ад змяіных укусаў.
У
краіне практычна няма школ, такім чынам, грамадства губляе сваю будучыню. Многія дабрачынныя
арганізацыі вымушаны пакідаць краіну, баючыся нападаў. Паводле іерарха, Цэнтральнаафрыканская
Рэспубліка патрабуе не толькі пасылак з ежай. Ён лічыць, што міжнародныя інстытуты
прыкладаюць не дастаткова намаганняў для дапамогі ў вырашэнні існуючых праблем.
Пасля
захопу ўлады ў Цэнтральнаафрыканскай Рэспубліцы кааліцыяй паўстанцкіх груп у сакавіку
2013 г., гуманітарны крызіс у краіне, адной з самых бедных у свеце, набраў яшчэ большыя
памеры. Грамадскае жыццё спынілася. Трэба адзначыць, што каля паловы з 4,5 млн. жыхароў
краіны складаюць хрысціяне.