Իրան-Հայաստան երկշղթայ ելեկտրականութեան օդային գիծի եւ «Նորաւան» ենթակայանի կառուցումը
երկու երկիրներու միջեւ ելեկտրականութեան փոխանակման շնորհիւ ելեկտրականութեան հզօրութիւնը
ներկայիս 300 մեկաուաթէն պիտի հասցնէ մինչեւ 1200 մեկաուաթի: «Այն միաժամանակ կը բարձրացնի
երկու երկրների եներգահամակարգերի զուգահեռ աշխատանքի իւսալիութիւնը եւ Հայաստանի եներգետիկ
անվտանգութիւնը», նշուած է Հայաստանի ուժանիւթի եւ բնական պաշարներու նախարարութեան կողմէ՝
ի պատասխան «Արմէնփրէս»ի հարցումին։ Իրանի եւ Հայաստանի ելեկտրականութեան համակարգերուն
միջեւ ելեկտրականութեան փոխանակման հզօրութիւնը ապահովող Իրան- Հայաստան 400 քիլոուաթ
երկշղթայ օդային գիծը պիտի սկսի Իրանի սահմանէն եւ պիտի հասնի մինչեւ «Հրազդանի էներգաբլոկ»՝
շուրջ 275 քմ. երկարութեամբ: Նախատեսուած է կառուցել նաեւ «Նորաւան» 400/200 քիլոուաթ
ենթակայան: Ծրագիրը ընթացքի մէջ է, արդէն իսկ կատարուած է հողային, մուտքին յատուկ
ճամբաներու կառուցման եւ նախահիմքերու փորման աշխատանքներ: Կը կատարուի նաեւ մետաղեայ
կառուցուածքներու, սարքերու եւ սարքաւորումներու ներածման աշխատանքներ: Ծրագիրի գլխաւոր
կապալառուն է «Սանիր» ընկերութիւնը: Օդային գիծի Հայաստանի մէջ գտնուող հատուածի եւ «Նորաւան»
ենթակայանի շինարարութեան արժէքը 107.89 միլիոն եուրօ է: Ծրագիրի ֆինանսաւորման 77 տոկոսը
գոյացած է «Իրանի արտածման եւ զարգացման բանկ»էն առնուած վարկային միջոցներով, իսկ մնացած
23 տոկոսին ֆինանսաւորումը՝ ծրագիրի պատուիրատու «Բարձրավոլտ ելեկտրացանցեր» ընկերութեան
կողմէ: Ծրագիրի բացառիկ կարեւորութենէն մեկնած՝ Հայաստանի Ազգային ժողովը ընդունած է
օրէնք մը՝ «Իրան-Հայաստան 400 կվ. լարման ելեկտրահաղորդման օդային գծի Հայաստանի տարածքով
անցնող հատւածի շինարարութեան աշխատանքների նկատմամբ հարկային եւ մաքսային վճարների արտօնութիւններ
սահմանելու մասին»: