Հայաստանի ազգային վիճակագրական ծառայութեան տուեալներով, նախորդ տարուան նոյն ժամանակաշրջանին
հետ բաղդատելով՝ ծնունդներուն թիւը նուազած է 2.7 տոկոսով, իսկ 2011 թուականին հետ բաղդատելով՝
6 տոկոսով: Նախորդ տարուան նոյն ժամանակաշրջանին հետ բաղդատելով՝ այս տարի 4.3 տոկոսով
նուազած են մահացածները: 1 Յունուար 2013ին հետ բաղդատելով (3026.9 հազար մարդ), այս
տարուան Յուլիսին մնայուն բնակչութեան թիւը նուազած է շուրջ 15 հազար մարդով, որուն պատճառը
արտագաղթն է: 2013 թուականի առաջին կիսամեակին արձանագրուած ամուսնութիւնները՝ նախորդ
տարուան հետ բաղդատելով, նուազած են 4.3 տոկոսով, իսկ ամուսնալուծութեան պարագաները աճած
են 14.2 տոկոսով: 2013ի Յունուար-Յունիս ամիսներուն Հայաստանի մէջ արձանագրուած է 1000
ամուսնութիւն, 207 ամուսնալուծում, որ 2012ի նոյն ժամանակաշրջանին 173 էր: Այս տարուան
առաջին կիսամեակին, Հայաստանի սահմանային ելեկտրոնային կառավարման տեղեկատուական համակարգով
ստացուած տուեալներուն համաձայն, Հայաստանի սահմանային անցման կէտերէ կատարուած արտաքին
ճամբորդութիւններուն թիւը կազմած է 1,939 հազար ուղեւորութիւն: Ճամբորդութիւններու հաշուեկշիռը
(մուտքերու եւ ելքերու տարբերութիւնը) 2013ի Յունուար-Յունիսին եղած է -95 հազար ուղեւորութիւն: 2013
թուականի Յուլիս 1ի դրութեամբ Հայաստանի մնայուն բնակչութեան թիւը 3,011,9 հազար մարդ
է՝ 1,904,4 հազար քաղաքներուն մէջ, 1,107,5 հազար՝ գիւղերուն