Կարտինալ Թուրքսոն` արդարութիւն եւ խաղաղութիւն քահանայապետական խորհուրդի նախագահը Ճաբոն
կը գտնուի տեղական եկեղեցւոյ հետ նշելու` Հիրոշիմայի ու Նաքազաքայի միջուկային ռմբակոծումի
տարեդարձը։ Կարտինալը խաղաղութեան ի խնդիր մատուցած պատարագին ընթացքին խօսքը ուղղելով
'Հիպաքուշա'-յի վերապրողներուն անոնցմէ խնդրեց դառնալու հաշտութեան ու խաղաղութեան առաքեալներ։
Կարտինալը իր քարոզին մէջ հաստատեց որ պէտք է վերջ դնել մարդոց միջեւ թշնամութեան ու
յեղաշրջել մահուան գործիքները խաղաղութեան ու բարգաւաճումի գործիքներու։ Կարտինալին այս
կոչը կու գայ Յովհաննէս ԻԳ Քահանայապետի ''խաղաղութիւն երկրի վրայ'' շրջաբերական թուղթի
հրատարակումին 50-րդ տարեդարձին առթիւ։